LiljaLoga

Bless blogspot

2007-06-22T06:01:00.001-07:00

Ég er flutt!!

2007-06-21T04:23:00.000-07:00

Af hverju getur maður ekki bara gert Ctrl og F og fundið það sem manni vantar!! T.d ef manni vantar eitt skjal (blað) sem gæti leynst í 7 stútfullum blaðamöppum og maður vill ekki eyða öllum deginum í að leita, þá væri upplagt að geta notað þessa aðferð, eftirfarandi skjal myndi bara poppa upp í hendurnar á manni.
Er þetta ekki góð viðskiptahugmynd? Vantar bara að útfæra hana þannig að hún sé virkilega raunhæf.

2007-06-18T06:26:00.000-07:00

Ég ætla að taka mér frí frá blogginu held ég bara.

Bæ

Jibbý Jey!

2007-06-17T02:09:00.000-07:00

Gleðilegan þjóðhátíðardag!

Í dag verður gaman; candyfloss, fánar, popp, gasblöðrur og fullt af fólki í bænum. Eyjó fer til Frakklands en ég ætla með börnin í Reykjavíkurmenninguna og svo beint í sveitina á Hellu.

2007-06-15T04:21:00.000-07:00

Skuggi sæti

Ég er ekki alveg í stuði til að blogga núna en ég verð að koma þessari prumpufærslu niður.

Dagurinn í dag eru svona grár og kaldur, buxurnar eru þröngar, ég er algjörlega having a bad hairday og ljótan er alveg á næsta leiti hjá mér. Það er búið að vera mjög mikið að gera hjá mér og ræktin er síðust á listanum þegar maður forgangsraðar.

Þriðjudagurinn 26. júní er svo dagurinn sem allt róast og sumarfríið byrjar 9. júlí
Hlakka til hlakka til!

Eru ekki annars allar konur að fara í kvennahlaupið á morgun? Ég ætla að prófa í 1. sinn með dæturnar.
Ohh, ég ætla að eiga góða helgi með börninum mínum, kíkja í sveitina á litla Skugga og mö og pa.

Love it.

Mömmuprump

2007-06-14T03:47:00.001-07:00

Við Bergdís sátum í sófanum í gær að horfa á sjónvarpið.
Bergdís hrekkur upp og byrjar að leita að einhverju.
LL: hverju ertu að leita að?
BL: símanum mínum.
LL: afhverju?
BL: því ég heyrði einhvern titring og hann er örugglega að hringja.
LL: nei, ég var bara að prumpa.
BL: OJJJJ, mamma!!!!!

Drykkur djöfulsins

2007-06-13T01:28:00.000-07:00

Ég er háð...arg

Krem er ekki bara krem

2007-06-12T02:16:00.000-07:00

Ok, enga söluræðu hér. Lofa. En það er ekki hægt að þegja yfir svona rosalegu leyndarmáli.
Kremið Synchro frá Gernétic er bara of gott, frábært og ótrúlegt til að segja ekki frá því. Þegar ég kynntist Eyjó fyrir 9 árum síðan þá komst ég fyrst í kynni við þetta undraefni. Hann talaði um að mamma hans ætti svo gott krem sem ætti að berast á húðina eftir kúnstarinnar reglum. Það böggaði mig nú bara þetta pjatt, hugsaði "krem er bara krem" og notaði bara mitt Nivea-drasl. Svo gerðist það nokkrum sinnum að Bergdís Líf brenndi sig og þá tók tengdamamma fram fyrir hendurnar á mér og bar kremið góða á brunasárið. Alltaf gréri það undrafljótt en ég trúði samt ekki. Nokkrum árum síðar fór ég að vinna með Gernétic línuna á Snyrtistofunni. Ég frelsaðist. Öll línan er ein af þeim bestu sem ég hef komist í kynni við en þetta tiltekta krem toppar allt. Ég Lilja Logadóttir, get ekki lifað án þess, ég á það ALLTAF til en ef það líða nokkrir dagar eftir að dollan klárast þangað til ég fæ nýja steypist ég út í bólum og verð svo þurr og ljót. Ég nota það í ALLT, en þó mest á andlitið á mér, líka bossann á LV, á þurrkubletti á BLÞ, sárin á ME, brunasár, exembletti og það læknar allt. Ég hefði aldrei trúað að eitt krem gæti gert allt þetta. Ég skar mig illa á laugardaginn, á slæmum stað á þumalfingrinum. Ég stökk yfir til hjúkkunnar í næstu íbúð. Hún sagði það þyrfti að sauma þetta en ég var með 14 stelpur í partýi og gat ekki stokkið á slysó í nokkrar klst. Hún bjó þá um sárið fyrir mig. Ég er búin að vera að drepast í því síðan, búið að rifna upp mörgum sinnum og bara vesen. Í gær setti ég Synchro á sárið og fór að sofa. Ég trúði því ekki í morgun hvað það var búið að gróa mikið í nótt! Plásturslaus í dag. Þetta krem er geggjað.

geysp

2007-06-11T05:42:00.000-07:00

Ég var svo sniðug, ætlaði að lagfæra linkana hérna á síðunni, þá bara eyddi ég þeim öllum út. Nenni ekki að laga það......

Þreytt þreytt eftir helgina.....

Ég laug

2007-06-10T03:47:00.000-07:00

Engin ferð í Húsafell, bara gæsun Heiðbjartar!

Læt fylgja eina mynd af honum Skugga Tinnusyni sem fæddist í gær. Stoltið leynir sér ekki á svipnum á nýbakaðri móðurinni. Hann er líka svo sætur og yndislegur. Ég hitti hann aðeins í gær. Því miður fæddist einn annar hvolpur en hann var líflaus þegar hann kom út.

Draumadagur

2007-06-08T08:37:00.000-07:00

Vá, gleðifréttunum fjölgar bara í dag. Bergdís Líf mín var að fá einkunnirnar sínar í dag og ég er svo OFBOÐSLEGA stolt af stelpunni minni. Hún hefur aldrei fengið eins góðar einkunnir, enda lagði hún mikið á sig þessa önnina! Svo er hún Tinna hundurinn þeirra mömmu og pabba að fara að gjóta litlum sætum hvolpum í dag vonandi. Hún alla vega liggur og vælir, býr sig undir átök við að koma krúttulegum hvolpum í heiminn. Ég býð bara eftir símtali frá mömmu með fregnum af fjölgun í famelíunni. Gaman gaman!

Hamingjusöm!!

2007-06-08T04:30:00.000-07:00

Ég fór í viðtalið á Café París, talaði við hana í hálftíma með hjartað í brókunum. Ég hlýt að hafa heillað hana upp úr skónum því hún sagði í lokin að hún yrði mjög ánægð með að fá mig í skólann!!
Hún vildi bara fá okkur Eyjó þangað uppettir svo Eyjó gæti farið að kenna hjá þeim þegar hann útskrifast með doktorsgráðuna!
Svo þekki ég 2 stelpur sem eru að fara í þetta nám líka svo það verður sko fjör á vinnuhelgum á Bifröst!

Ohhh...

2007-06-07T02:59:00.000-07:00

Ég er búin að vera með kvíðahnút í maganum í allan morgun fyrir þessum skóla-fundi á Kaffi París. Deildarstjórinn hringir svo í mig rétt í þessu og neyðist til að fresta honum um sólarhring...ég vil bara klára þetta af *DÆS*

Ég mun nú engu að síður að brosa breitt í dag. Framundan er skemmtileg helgi í Húsafelli með stór tengdafjölskyldunni (ættarmót). Leigður bústaður með potti og skemmtilegu fólki. Plís ekki rigna á okkur!

Næsti vetur

2007-06-06T04:51:00.000-07:00

Nú er spennan í hámarki hjá mér varðandi hvað ég verð að gera næsta vetur. Ég veit að ég verð að vinna á Opus lögmönnum því það er besta vinnu sem ég hef haft. Svo er ég með 2 skóla í sigtinu sem ég er búin að sækja um í. Báðir háskólar en ég er að vonast eftir að komast inn í undirbúningsdeildina hjá þeim. Fjarnám í öðrum og staðbundið nám í hinum. Ég er að fara í viðtal út af fjarnáminu á Kaffi París á morgun og er með smá hnút í malla. Ég sem sagðist aldrei aftur stíga fæti þangað inn en ekki gat ég beðið deildarstjóra skólans um að finna annan stað.

Annars er þessi rigning alveg að fara í mínar fínustu taugar. Ekki vegna þess að ég þoli ekki að verða blaut heldur það er bara ógeðslega óþolandi að vera með gleraugu í rigningu. Sé ekkert vegna regndropa og svo verða þau öll í móðu þegar ég kem inn og þarf að þurrka af þeim. Haha, sumum finnst það fyndið (sérstaklega Eyjó) en ég sé ekki húmorinn við það. Ok, það er kannski pínu nördalegt.

Shopoholik

2007-06-05T05:26:00.000-07:00

Það er voða gott að hafa sambönd í útlöndunum. Ég elska þegar Auður Erla systir er væntanleg á klakann, þá fer maður á netið og finnur eitthvað flott og ódýrt í DK. Svo er Binna mín að fara í heilan mánuð í USA og meira að segja bauðst til að versla fyrir mig, þvílík hamingja!

Matarboð

2007-06-03T07:35:00.001-07:00

Það var svo gaman í gær
Takk fyrir mig Heiðbjört og Ingi Freyr!

Ásta Lovísa

2007-06-01T16:21:00.000-07:00

Ég þekkti hana ekki en hitti hana einu sinni fyrir nokkru síðan, þá var hún ekki greind með krabbamein. Hún kom heim til mín og ég talaði stuttlega við hana. Ég vissi að hún væri einstæð með 3 börn og héti Ásta. Þegar hún kom gat ég ekki annað en dáist af henni. Hún var svo ofsalega falleg og það skein svo mikill sjarmi úr augunum á henni. Hún var svo almennileg og brosti svo blítt til mín. Ég gleymi henni aldrei. Seinna sá ég á síðunni hennar að hún var orðin mikið veik og hef ég fylgst með henni síðan. Að hugsa sér hvað hún var sterk, það er alveg ótrúlegt. Hún hlýtur að hafa verið sárþjáð síðustu vikurnar en hún kvartaði aldrei. Hún var alltaf jákvæð og uppörvandi við aðra þrátt fyrir að framtíðin liti alls ekki vel út hjá henni. Þvílík hetja.

Ókei

2007-06-01T15:39:00.000-07:00

Ég var komin með alveg rosalegan leiða á útlitinu á síðunni minni. Smá breytingar í gangi og er ekki búin alveg. Linkar duttu út sem munu koma inn við tækifæri.

Eigið góða helgi...Lilja

Skólagangan hafin

2007-06-01T03:58:00.000-07:00

Litli lillinn minn byrjaði á leikskóla í dag. Allt í einu er hann ekki pínulítill lengur.

Dagmömmurnar í Kærleikskoti gráta það að "Knúsarinn" sé orðinn stór og flogin úr hreiðrinu en hann hefur rosalega gott af þessu. Vona bara að litli brjálæðingurinn minn fái þá útrás sem hann þarfnast áður en hann kemur heim á daginn. Ég skal sko lofa að það er allt annað að eiga orkumikinn gutta en prúðar stelpur. Eins gott að hann kom síðastur í röðinni, annars ætti ég bara hann. Hann er samt bestasti strákurinn hennar mömmu sín.

Ps. Ég er búin að opna barnalandssíðurnar aftur. Sendið á mig póst (liljaloga@gmail.com) til að fá lykilorð ef þið hafið gleymt því.

Síðasti séns

2007-05-31T01:14:00.000-07:00

Ef þú elskar að fara á kaffihús, fá þér einn ljúffengan kaffibolla eða bjór og eina sígó þá er síðasta séns í dag. Bannað á morgun.

Loksins segi ég nú bara! Auðvitað er löngu kominn tími á að banna þetta rugl. Við þekkjum að sjálfsögðu öll lyktina sem fylgir okkur heim eftir slíkar ferðir. Fyrir utan hvað þetta fer ekki vel í magann á manni þegar maður er úti að skemmta sér, manni svíður í augun og líður bara ekki vel í kringum svona hættulegan reyk. Eftir að hafa unnið við snyrtingu í nokkur ár þá er það mjög auðvelt fyrir mig að spotta úr hvaða kona hefur reykt lengi og hver hefur aldrei reykt, það einfaldlega sést á húðinni á þeim og þær hafa ákveðið yfirbragð.

Mér finnst þetta bann búið að fá litla umfjöllun og tóbaksvarnarráð er ekki búið að standa sig í auglýsingum og í að minna fólk á að þetta bann sé að nálgast. Hvernig það mun ganga að framfylgja því kemur svo í ljós. Hef nú á tilfinningunni að það verði nokkuð stembið fyrst um sinn.

Ég fiktaði við reykingar í gamla daga á djamminu eins og svo margir aðrir. En hef ekki snert sígarettu í 5 ár og sakna þess ekkert. Eftir dvöl mína í Danmörku gat ég ekki hugsað mér að koma nálægt þessu eftir að hafa horft á ófrískar konur púa reyk ofan í sjálfa sig og mig meðan ég var ófrísk, eftir að hafa keypt mér föt mettuð af reykingarlykt í verslunarmiðstöðvum og setið rauðeygð á pöbbunum með æluna í kokinu. Ég fékk einfaldlega óbeit á sígarettum yfir höfuð og hef enn.

Ég vil þó taka fram að ég hef ekkert á móti fólki sem reykir, ég er bara ekki hrifin af reyknum sjálfum.

Morgundagurinn er frábær dagur til að hætta!

Garnagaul

2007-05-30T08:01:00.000-07:00

Ég er svo svöng! Gleymdi veskinu heima og borðaði ekki morgunmat! Var að fara að borga fyrir Subway-inn minn þegar ég fattaði það. Ekkert búin að borða í dag. Ég ætla að keyra hratt og ráðast á ísskápinn þegar ég kem heim.

Umm Daa!

2007-05-30T03:51:00.000-07:00

Ég fór að sofa í gær kl 21:00, ógeðslega þreytt eftir laaaanga helgi. Svakalega var gott að vakna í nótt kl 4:00, búin að sofa lengi og eiga eftir að sofa leeeeengi lengi í viðbót.

Ég tek þessum degi fagnandi þrátt fyrir að sjá fram á svitabað á skrifstofunni í þessum hita sem við eigum víst von á. Maður þarf að fara að draga fram sumarkjólana, eða kannski bara kaupa nýja!!

Brumm brumm

2007-05-29T05:17:00.000-07:00

Bergdís Líf spurði mig um helgina af hverju allir væri að kaupa sér mótorhjól þessa dagana. Mér finnst það pínu krúttlegt hjá henni. Það er samt ekki skrítið að hún hafi spurt því það er allt krökkt af þessum töffurum í umferðinni. Ég var að keyra úr miðbænum í gærkveldi og komst varla fyrir á götunni fyrir þessum gaurum. Það er nú samt pínu gaman að horfa á þá kitla pinnann.

...og annað, ef þið farið að djamma á Sólon, haldið þá fast í eigur ykkar ef þið viljið ekki að þeim verði stolið. Fjandans lýður þarna.

Nútímamömmur

2007-05-25T02:18:00.000-07:00

Nútímakonan er annað hvort í 100% vinnu eða háskólanámi, eða í hvoru tveggja í einu, bæði vill hún stunda af kappi og standa sig vel í. Hún á nokkur börn sem eru hjá dagmömmu, leikskóla og í grunnskóla, börnin þurfa að sjálfsögðu öll miklu hlýju og tíma með mömmu sinni. Hún þarf að passa að það séu alltaf hrein og hlý föt í leikskólatöskunni og að börnin hennar sé í fötum sem passa og hrein. Hún þarf að vera heima með börnunum þegar þau eru veik og nýta hverja mínútu sem hún fær til að læra fyrir skólann. Nútímakonan þarf að reyna að halda sér flottri og grannri (stunda ræktina), eiga töff föt, skart og flotta skó, fara í klippingu og strípur og lit, plokk og vax helst x1 í mánuði og borga formúgu fyrir. Hún þarf að vakna kl 6 á morgnanna til þess að fá frið fyrir börnunum til að gera farið í sturtu, málað sig og greitt því vinnustaðurinn krefst þess að hún sé snyrtileg og vel til höfð á hverjum degi. Hún þarf að þrífa heimilið, þvo þvott og muna eftir öllum afmælum, foreldrafundum og læknaheimsóknum. Hún þarf að eiga fallegt heimili (helst í raðhúsi eða einbýli) og falleg húsgöng svo það sé fólki bjóðandi heim til hennar. Hún þarf að muna að fara í Bónus og má ekki gleyma neinu því það gæti eyðilegt heimilisfriðinn ef kakóið náði ekki í innkaupakerruna. Hún þarf að elda hollan mat ofan í fjölskylduna á hverjum degi svo börnin fái öll þau næringarefni sem þau þarfnast. Hún þarf að vera góð eiginkona, sýna manni sínum blíðu og vera dugleg að strjúka honum um hnakkann. Hún neyðist til þess að brosa til hans þegar hann kveður hana þegar hann fer í vinnuferðir til útlanda og hún hugsar ein um börnin og heimilið á meðan. Hún þarf að hafa tíma fyrir vini sína, djamma a.m.k. einu sinni í mánuði með stelpunum, hitta þær á kaffihúsum reglulega og vera dugleg að fara í heimsókn til foreldra sinna sem búa úti á landi. Hún fær oft móral, oftast vegna þess að hún ver ekki nægilegum tíma með börnunum sínum, vegna þess að hún er ekki heima með þeim þegar þau eru veik og svo líka vinnumóral yfir því að vera heim, einnig fær hún móral yfir því að fara til útlanda ein en ekki í fjölskylduferð, líka vegna þess að hún kemst ekki alltaf á fótboltaleiki með frumburðinum og í sveitaferðir með leikskólanum og líka vegna þess að hún gleymir svo oft foreldraviðtölunum eða að borga reikningana því það er svo mikið að gera hjá henni.

Þessi lýsing á nokkuð vel við mig, eða þetta er eiginlega bara ég í hnotskurn og er þetta bara hluti af pressunni sem maður er undir í þessu blessaða samfélagi.

Ég er soldið þreytt núna og löng helgi án eiginmannsins framundan.

Skrifað seinna: haha, ég nútímamamman gleymdi afmæli!! En Ari bróðir varð 22ja í gær. Innilega til hamingju besti bróðir!!

Cry Baby

2007-05-22T10:20:00.000-07:00

Ég elska bíómyndina um Cry Baby Walker. Í um 15 ár hef ég haldið upp á hana. Horfði á hana daglega þegar ég var að nálgast gelgjuna. Núna hafa dætur mínar uppgötvað hana og við elskum hana allar. Tónlistin, fötin og kannski helst Johnny Depp er það sem hefur heillað mig í öll þessi ár. Mæli með henni ef þið hafið aldrei séð hana.Hver getur staðist svo sætan gæja?

Madeleine

2007-05-21T01:29:00.000-07:00

Mér finnst þetta mál orðið svo hræðilegt (þó að það hafi verið það frá byrjun að sjálfsögðu).

Elsku litla stelpan búin að vera týnd í meira en 2 vikur. Ekki mikil von um að hún sé enn á lífi.

Ég er voða viðkvæm yfir þessu, enda á ég eina litla sæta stelpu sem er jafn gömul og hún og ber meira að segja sama nafn.

Ég get ekki ímyndað mér hvað foreldrarnir eru að ganga í gegnum.

Held að þetta sé eitt af því hræðilegasta sem gæti komið fyrir mann.

Mikið er ég nú heppin eiga svona góða fjölskyldu og vini sem bara hringja hver á eftir öðrum og bjóðast til að passa litla veika orminn minn svo ég farið í vinnuna.

Tengdamamma og Binna, you are the best!

Urrr á sunnudegi

2007-05-20T05:09:00.000-07:00

ARG!! Hvað er málið!!??!! ALLTAF þegar Eyjólfur fer til útlanda verður einhver veikur. Þetta hefur gerst í hvert einasta sinn síðan ég byrjaði að vinna í nóvember í fyrra. Hann fer í vinnuferðir til útlanda að meðaltali annan hvern mánuð og mun gera það út þetta árið a.m.k.
Börnin og bíllinn virðast bara ekki geta fúnkerað án hans.
Hann fór til Stokkhólms í morgun og LV vaknaði áðan með hita. Ég sem var í fríi næstum alla síðustu viku....ohh, glatað og ég er með ömurlegan móral...

Monthænur

2007-05-18T13:37:00.000-07:00

Ég á stundum erfitt með mig að springa ekki úr hlátri þegar fólk er að hæla börnum sínum svo rosalega að það ýkir alveg fáranlega mikið. Ég kíki á ýmis bloggsíður hjá fólkinu í kringum mig og renni stundum við á barnalandi.is.
Án þess að segja of mikið þá finnst mér það heldur ótrúlegt að 12 mánaða gamalt barn kunni að mynda 3 orða setningar...
Að sjálfsögðu eru flest börn augasteinar foreldra sinna en fólk verður nú að passa sig að vera í takt við raunveruleikann. Ég vil helst ekki nefna nein fleiri dæmi um svona ýktar sögur en þetta getur stundum verið svolítið skondið og ekki raunhæft. Vil taka það fram að ég er ekki að tala um neinn á linkalistanum hér til hægri!

Myndir

2007-05-17T05:26:00.000-07:00

Ég mæli með því að fara til Parísar. Þessi borg er svo sjarmerandi, rómantísk og falleg að ég hefði aldrei trúað því. Ég er strax farin að sakna hennar.

Við tókum um 300 myndir og ég setti inn nokkrar á myndasíðuna mína, reyndar sá ég þegar ég var búin að þær eru allt of margar en ég bara gat ekki sleppt neinni af þeim.
Myndirnar segja ferðasöguna okkar.

Gleymdi!!
Ég gleymdi að þakka mömmu og pabba fyrir að vera svo yndisleg að hugsa um börnin okkar á meðan við fengum að leika okkur eins og unglingar!
Takk fyrir að vera svona góð amma og afi!!

Ástfangin af París

2007-05-16T12:08:00.000-07:00

Allt tekur enda og nú erum við komin heim. Bara glöð og sæl, ekki vottur af þynnku né þreytu.
Þessi ferð var alveg frábær í alla staði.
Ég er bara svona rétt að taka upp úr töskum og kem með ferðasöguna síðar.

Bonjour

2007-05-14T08:18:00.000-07:00

Erum buin ad hafa tad klikkad gott...

Louvre
Effeilturninn
Sigurboginn
Notre Dam
Bjor
Versla
Notalegheit

Tetta er lifid.......komum heim a midvikudaginn. Sjaumst.

Franskur frekjuhundur

2007-05-11T01:17:00.000-07:00

Í gær fórum við fjölskyldan og áttum voða notalegt kvöld með vinum okkar Torfa og Siggu og krúttlegu dætrum þeirra.

Bökuð pizza og horft á Eurovision.

Takk kærlega fyrir okkur!!

Sonurinn var orðinn heldur æstur í rauðvínið svo ég varð að grípa í taumana. Ætli það sé ekki satt að snemma beygist krókurinn :D

Í dag er það svo bara Risessan kl 10, Bergdís mín og hennar bekkur taka þátt í sýningunni og ég ætla að fara og hitta hana í miðbænum. Eftir vinnu verður svo brunað á Hellu með börnin og svo að lokum tvöfalt fertugsafmæli í kvöld. Einhverntímann þarna á milli ætla ég að reyna að pakka, vaxa mig og gera mig klára fyrir Frakkland. Flug kl 7 í fyrramálið.

Hafið það annars gott og munið að kjósa rétt, í báðum kostningunum á morgun!!

P.s Ég er búin að breyta commentunum, nú geta allir commentað þó að þeir séu ekki skráðir notendur á Blogger.com. Bara haka í Anonymous.

Knús

Lilja

Shane óskar sér 350 milljón póstkorta

2007-05-08T08:12:00.000-07:00

Greyið litli sæti Shane er með krabbamein, lesið um hann hér og sendið honum svo afmæliskveðju á póstkorti. Ég er búin að því. Það er eitthvað við hann sem snertir mig mikið.
Elsku litli kúturinn.

4 dagar

2007-05-08T01:01:00.000-07:00

Vá, ég er alls ekki að nenna að bíða. Tíminn líður bara allt of hægt. Líst samt ekkert á veðurspánna, eiga að koma rigningarskúrir öðru hvoru.

Í gær þegar ég vaknaði var ég með síðan topp og venjulegt nef.

Þegar ég sofnaði var ég með ljótan topp og kónganef.

Toppurinn mun síkka aftur en ég krossa fingurnar að nefið lagist.

Ljótan á slæmu stigi núna sökum þessa.

Komin heim

2007-05-06T14:03:00.000-07:00

Jebbs, sumarbústaðaferð að baki. Hún var í flesta staði vel heppnuð nema það var ógeðslega kalt í gær og kvenmannshluti fjölskyldunnar var veikur sama dag.
Ég get bara ekki skilið það afhverju ég verð alltaf veik þegar ég fer í svona ferðir. En ég fékk að sofa lengi lengi í morgun og vaknaði hress ásamt hinum sjúklingunum og við áttum góðan dag í dag.

Dagurinn alveg að klárast...

2007-05-04T07:42:00.000-07:00

Bara 1 klst og 15 mín þangað til ég fer heim. En þó ekki komin í helgarfrí því ég er að fara í lokapróf í íslensku kl 18.15. Fáranlegur tími á prófi finnst mér. En ég er samt svo yfir mig hamingjusöm að vera að klára þennan áfanga sem ég er búin að vera í síðan um áramót. Ég er búin að fá rosalega góðar einkunnir í öllum verkefnum og prófum og hræðist prófið ekki neitt. Það er bara letin sem er að drepa mig.
Ástæðan fyrir því að ég tók þennan áfanga er að ég ætla mér að komast í svolítið spennandi nám í haust vonandi, það kemur í ljós á næstu vikum.
Ég vona að allir eigi góða helgi og munið að fara varlega!

......og Binna mín, gangi þér vel í fyrramálið með fyrirlesturinn!

Lata drusla

2007-05-04T03:12:00.000-07:00

AAAAAAAAAAAAAAAAA, ég nenni ekki að vera í vinnunni í dag!!!! ég er svo löt að ég er að deyja, langar baaaaaaaaaaaaaaaaara upp í bústað og renna mér í heita pottinn með kaldan bjór, anda að mér hreina sveitaloftinu og upplifa kyrrðina í kringum mig. Ohh, 6 tímar eftir af vinnudeginum.

Vinkona mín, hún Gwen

2007-05-02T06:56:00.000-07:00

Hún er bara sú eina í bransanum sem getur verið svona hvíhí-Ít og borið ELD-rauðan varalit.

Mér finnst hún svo flott.

2007-05-02T04:19:00.000-07:00

10 dagar í París, erum komin með hótel og maður er svona farinn að skrifa "must do (and have) in Paris"
Síðustu dagar hafa verið svo góðir eitthvað, held bara að vorið fari svona vel í mig. Við famelían erum bara búin að hafa það gott heima, í bláa lóninu og út um allt. Næsta helgi verður svo tekin í sumarbústað í Brekkuskógi....umm, heitur pottur, góður matur, bjór og vonandi sól og blíða.
Það gengur allt svo vel eitthvað núna og ég svo sátt við tilveruna að ég ákvað í gær að kaupa mér líkamsræktarkort í Sporthúsinu....sem er löööööngu tímabært. Mikið verður það gott að hreyfa sig aðeins.
Ég er í svo herfilegu formi að það er engu lagi líkt. Síðustu helgi sló ég nokkur högg í golfi, vaknaði á sunnudaginn með harðsperrur frá fingurgómum niður í rasskinnar.

Allt frábært

2007-04-30T03:31:00.000-07:00

Ójá, núna er allt að ganga upp hjá okkur....eftir frábæra helgi tekur við góður mánudagur.
Ég hef þrennt sem ég get glaðst yfir í dag. Ég var að fá svo skemmtilega símhringingu frá leikskólanum hennar ME, LV er kominn inn á leikskólann og byrjar um næstu mánaðarmót, það þýðir minna stress á morgnanna og eftir vinnu við að sækja krílin, við Eyjó getum verið í sumarfrí á sama tíma og svo er það nokkrum krónum minna í útgjöld á mánuði.
Svo í dag fæ ég að gera það sem mig er búin að langa lengi að gera í vinnunni, fá meira ábyrgð og gott færi á að komast meira inn í bókhaldið. Ég fæ að reikna út launin í fyrsta sinn núna og mun sjá um það héðan í frá. Mér finnst þetta ógisslega gaman :-D
Svo er það rúsínan í pylsuendanum. Við erum nefnilega á leiðinni til Parísar í helgarferð! Það er hægt að segja að þetta sé síðbúin brúðkaupsferð, þetta var ákveðið snögglega enda stutt í brottför. Allt klappað og klárt, pössun, frí í vinnu.....bara eftir að finna hótel.

Vá, hvað ég hlakka til...get ekki beðið!!

meira með ME...

2007-04-29T12:01:00.000-07:00

Hún var í pössun á laugardaginn hjá Ingibjörgu mágkonu og Óskari svila. Hún fór í búðina með Óskari, þau eru stödd inni í kæli og Óskar býður henni rautt epli. Hún tekur við því að segir: "nei, ég vil ekki svona svart epli". Óskar segir henni að þetta sé ekki svart epli, heldur bara rautt eins og jólasveinarinir. Hún samþykkir það og þau kaupa eplið. Þau rölta heim og ætla svo að borða það. Ingibjörg sker það í sundur og sér að það er kolsvart að innan, mjög skemmt. Ókei, þetta er bara spooky. Of margar tilviljanir til að horfa fram hjá.

Annars var helgin bara hrikalega ljúf. Ég var svoooo góð við gamla kallinn minn í gær. Meira um það síðar.

Magdalena miðill?

2007-04-27T01:41:00.000-07:00

Ég held stundum að ME sé eitthvað næm (já, ókei miðillinn sagði það) en það eru alltaf að koma upp eitthvað sem styrkir kenningu mína. Fyrsta atriðið var þegar ég var upp á fæðingardeild að fæða bróðir hennar. Ég var búin að vera þar allan daginn (sett í gang kl 9 um morguninn)...dagurinn leið og afi gamli sótti hana á leikskólann, fór með hana á flakk, ekkert gerðist hjá mér fyrr en seinni partinn. Magdalena er á hlaupum um húsakynni Karlakórs Reykjavíkur kl 17.25....hún hleypur til afa síns og segir honum að barnið sé komið. Hann lítur á klukkuna og leggur tímasetninguna á minnið. Eyjó hringdi í hann nokkru síðar og tilkynnir að drengur sé fæddur kl 17.25!! Það var magnað.

Hún hefur sagt sjá ömmu Rönku sem kvaddi okkur fyrir rúmu ári síðan, hún segist sjá aðra konu koma út úr veggnum á næturnar inn í herberginu hennar.

Svo annað skemmtilegt dæmi. Ari bróðir minn og Krissa mágkona voru í mat um daginn hjá okkur. Magdalena spyr Krissu bara allt í einu upp úr þurru hvort hún sé nú ekki bráðum að fara að fæða barn. Tónninn í röddinna hennar var svo skemmtilegur að við fórum bara að hlæja. Ég reyndi nú að pumpa hana aðeins og fékk upp úr henni að barnið væri strákur og kæmi bráðum. Ég bíð bara eftir tilkynningunni frá brósa litla :D

...og svo í gær þá fór ég með lillana (LV og ME) í IKEA. Ætlaði að kaupa spegil fyrir vinnuna mína. ME spyr mig hvert við séum að fara og ég segi henni það. Þá spyr hún hvað ég ætli að gera í IKEA, kaupa spegil segi ég.......nú, ókei, segir hún....er það fyrir vinnuna þína?
Ég hef aldrei talað um þessi spegilkaup heima, ég bara fatta ekki hvernig hún vissi það, ég er aldrei að kaupa neitt fyrir vinnuna og þessi hugmynd hennar er stórfurðuleg.

Það eru ótal svona lítil dæmi sem koma oft fyrir, hún veit mikið meira en hún á að gera.

Húmoristi í Breiðholtinu

2007-04-26T04:23:00.000-07:00

Ef þið eigið leið um Efra-Breiðholtið skuluð þið kíkja eftir strætóskýlunum. Einhver sniðugur hefur lagt það á sig að mála allar fætur á bekkjunum í biðskýlunum. Þeir líta núna út eins og brjóstsykur, röndóttar hvítar og rauðar. Krúttlegt.
Mér finnst þetta fyndið því þetta hefur verið mikil vinna og kostað mikla málningu. Hver nennir eiginlega að standa í svona?

Hann á afmæli í dag, hann á afmæli í dag!!

2007-04-24T01:17:00.000-07:00

Þessi bjáni á stórafmæli í dag, hann fæddist fyrir heilum 30 árum síðan.

Innilega til hamingju elsku besti Eyjólfur minn!!

Hann fékk það sem hann helst óskaði sér í gjöf frá frúnni, nýtt glansandi golfsett og frá börnunum nýjan GSM síma....svo í morgun laumaði ég að honum einn pakka í viðbót svo hann fengi nú að opna einn á daginn sjálfan. Hann fékk ógeðslega flott vesti sem ég leyfi honum ekki að skipta :D hahaha!

Þarna er hann flottur í sólinni í Danmörku, kannski bara rétt 25 ára

...og svo ein af okkur brúðhjónunum síðasta sumar...

....já, hann gat það, sterkur maður!

Áfram heldur lífið

2007-04-23T06:23:00.000-07:00

Ég er bara alveg að tapa mér í blogggleði þessar vikurnar.

En lillinn minn er svona að skríða saman, hann fór til dagmæðranna í morgun, soldið þreyttur eftir erfiða helgi. Mikið er það erfitt að vera svona vannærður og þurr lítill kútur sem skilur ekki neitt.

Varðandi parketmálin (stundum held ég að við verðum bara að opna parketverlsun við hjónin því við erum alltaf eitthvað að vesenast með parket, hvort sem það er að smygla því, leggja nýtt eða lenda í parkettjóni....þá loðir þetta við okkur endalaust). En það virðist vera sem svo að skemmdirnar séu að ganga til baka og eftir stendur ein mjög aflíðandi (er þetta rétt skrifað??) bunga í horninu við gluggann. Húsfélagið er heldur ekki tryggt því þetta er komið utan frá og þess vegna fáum við ekki krónu bætt. Við yrðum að krefjast bóta frá grannanum ef við vildum fá eitthvað bætt. Það virðist ekki vera þess virði að eyðileggja annars fínt nágrannalíf því skemmdirnar eru svo litlar...en ef parketið byrjar að brotna upp eða ef þetta gerist aftur verður það önnur saga.

En hvernig er það nú Hellustelpur....eigum við ekki að fara að skipuleggja Kokteila/hárkollu/Singstar/Eurovision/kostningarpartý?

Vá, hvað við vorum allar mjóar, litskrúðugar og stutthærðar þarna back in 1995!!

En við erum samt miklu flottari núna!

Pulitzer

2007-04-22T04:22:00.000-07:00

Ég hef mjög gaman að skoða flottar og átakanlegar ljósmyndir. Pulitzer price myndir eru ótrúlega oft rosalega fallegar.
Þessi sería er alveg rosalega átakanleg og myndirnar eru rosalega fallegar. Fær mann til að þakka fyrir sitt, hún vann til verðlauna núna í ár.

Þessi hefur líka setið í mér í mörg ár. Greyið litla barnið er að deyja, kemst ekki lengra á leið sinni á staðinn þar fólkið fær smá matarbita og vatn. Hrægammurinn bíður bara eftir kvöldmatnum. Ég las það fyrir einhverju síðan og að ljósmyndarinn hafi dvalið á þessum stað (sem ég veit því miður ekki hver er) í dágóðan tíma og hafi orðið svo þunglyndur að hann svipti sig lífi stuttu seinna.

Gormurinn minn

2007-04-21T05:42:00.000-07:00

Hann Logi litli er búinn að vera svooo veikur síðustu daga, ég er búin að hafa mikil áhyggjur af honum. Að hugsa um hann er eins og að vera með nýfætt barn aftur, hann er bara búinn að liggja og kjökra og heldur ekki haus. Heldur alls engu niðri og vill ekkert drekka. Ég var orðin hrædd í gær og hringdi á læknavaktina, þeir sendu til okkar yndislegan lækni sem róaði taugarnar mínar.
Eins og margir vita sem mig þekkja þá er mér ekki vel við lækna, þeir vilja oftast dæla einhverjum ógeðslegum lyfjum ofan í okkur sem við þurfum sjaldast á að halda og gefa líkamanum sjaldnast færi á að vinna á meininu sjálfur.
En þessi læknir var einn af þeim góðu og vildi bíða til morguns með frekari aðgerðir. Hann talaði við okkur eins og við værum alvöru fólk en ekki kennitala á blaði, strauk sjúklingnum blíðlega og hafði virkilega áhuga á honum og hans líðan. Eyjólfur var sendur í búðini eftir Gatorate og lillinn fékk að vera millistykki yfir nóttina. Núna er hann bara sætur og horaður lítill mömmukútur.

Mynd dagsins

2007-04-20T08:52:00.000-07:00

Rakst á þessa mynd á netinu áðan, gat ekki gert annað en að hugsa til hennar Heiðrúnar vinkonu minnar í Danmörku þegar ég sá hana.

2007-04-19T10:25:00.000-07:00

Við vorum bara rekin út af skrifstofunni í gær kl hálf þrjú og ég var föst í miðbænum, engir strætóar né leigubílar hægt að fá. Eyjó kom loksins að ná í mig þegar ég var búin krókna úr kulda í næstum klukkutíma. Náði þó að fylgjast með brunanum og var svo heppin að vera með myndavélina með mér og tók nokkrar myndir af þessu öllu.

Sumardagurinn fyrsti hefur þó ekki verið svo spennandi á þessum bæ, LV er með heiftarlega gubbupest og liggur bara í móki. Æ, ég er bara eitthvað pirruð og óhress núna...verð að hrista það af mér snöggvast.

Gleðilegt sumar

Það er kviknað í Pravda!!

2007-04-18T07:05:00.000-07:00

Shit, var að líta út um gluggann og allt í reyk og greinilega mikill eldur.

Lilja, á undan mbl!

Dolly alltaf flott

2007-04-17T03:50:00.000-07:00

Eins hallærislegt og það kann að hljóma hef ég lengi fílað þetta lag alveg rosalega vel....njótið :-D

Dong Fang Salon á síðasta vetrardag

2007-04-17T01:45:00.000-07:00

Ég er víst að fara í nudd á morgun. Mér líst mjög vel á það. Ég hef farið alveg rosalega oft í nudd á ævinni, nánast daglega í Danmörku í skólanum, á sýningum úti og meðan ég var að vinna við snyrtinguna hér á Íslandi en það er allt of langt síðan síðast.

Ég hef líka nuddað mikið af fólki, tekið heil- og partanudd, helst þó slökunarnudd þó að stundum hafi ég þurft að þykjast vera lærður nuddari þó ég hafi bara lært slökunarnudd í skólanum...hehemm....uss...

En ég hef aldrei borgað annari manneskju fyrir að nudda mig, aldrei komið inn á stofu sem viðskiptavinur og átt rétt á 100% þjónustu. Á morgun ætla ég að prófa það og hlakka bara nokkuð til. Dong Fang Salon er það víst kl 18. Ég ætla ekki að láta nafnið hræða mig...

Sumir sunnudagar...

2007-04-15T13:05:00.000-07:00

..eru betri en aðrir.
Átti voða góða stund í dag með dætrum mínum er við skelltum okkur í bíó og sáum Meet the Robinsons. Hún er sýnt í 3-vídd og fengum við ofsalega flott Woody Allen-gleraugu til að nota yfir sýninguna. Myndin var mjög skemmtileg en mér fannst eiginlega fyndara að líta yfir salinn og sjá fólk af öllum aldri og stærðum og gerðum og allir með þessi frábæru gleraugu...mér fannst ég sjálf vera sérlega töff því ég var með venjulegu gleraugum mín og svo þessi utan yfir.

Eftir myndina tókum við smá rúnt í Kringlunni og kíktum í búðarglugga þó að allt væri lokað. Við mættum fjölskyldu og með henni var strákur svona ca. 13-14 ára. Ég var bara að horfa á hann í sakleysi mínu þegar við mættumst en þá færir hann augum yfir á BL og mælir hana þvílíkt út. Shit, mér fannst þetta frekar skrítið að vera á gangi með dóttur minni sem er BTW 10 ára, að mæta gaur sem tékkar á henni. Nú fer ég að passa vel upp á hana!

Í dag var gaman!

2007-04-14T14:32:00.000-07:00

Danski skemmtilegi kollegi-hópurinn hittist í dag. Rosa gaman...hér koma nokkrar myndir

Að vakna upp við vondan draum...

2007-04-12T08:53:00.000-07:00

...er akkúrat það sem gerðist í morgun. Allt var á floti inni í stofu. Nágranninn á efri hæðinni búinn að vera í útlöndum í viku eða svo og niðurfallið á svölunum hans stíflað.
Eitthvað hefur vatnið náð að seytla í gegnum steypuna og inn í sprungur í loftinu hjá okkur. Stanslaust rann vatn í gluggann okkar, á parketið, í sófann, stólinn og yfir nýja málverkið mitt. Við náðum með krókaleiðum að komast inn í íbúð nágrannans og losuðum stífluna með drullusokk, svalirnar voru fullar af vatni og munaði hársbreidd á því að það flæddi inn í íbúðina hans líka.
Ég eyddi morgninum í að þurrka upp bleytu og færa bala fram og til baka. Ég var að skoða parketið núna í eftirmiðdaginn og ég held að það sé enginn vafi á því að það séu skemmtir í því, bólgnað upp og samskeytin ljót. Sem betur fer slapp málverkið mitt góða. Við tókum myndir af öllu saman og nú er það bara að hafa samband við tryggingafélagið. Skemmtilegt ferli framundan....pirr pirrrr...

Snemma beygist krókurinn

2007-04-11T12:44:00.000-07:00

Á morgun munum við Magdalena eiga notalegan dag saman. Hún er nú svolítið lík mér. Ég spurði hana áðan hvort við ættum ekki að gera eitthvað skemmtilegt saman fyrst við verðum bara tvær í kotinu, þá sagði hún glöð "já, förum í Smáralindina!!" Kannski er þetta uppeldið en ég skal alveg viðurkenna það að mér finnst voða gaman að fara í Smáralindina og kíkja aðeins í búðir, hún á það líka til að biðja um að fara í Adams að sjá bleiku kjólana.
Við kannski kíkjum í sund líka til að gera eitthvað uppbyggilegt :o)

Jæja

2007-04-10T13:44:00.000-07:00

Það er frí einu sinni enn á leikskólanum hennar Magdalenu núna á fimmtudaginn. Börnin eru búin að vera svo mikið veik og við bæði mikið frá vinnu (þó að Eyjó hafi nú tekið það meira á sig síðustu vikur þar sem ég var að byrja í nýju starfi)....ahhhh, þoli þetta ekki. Þetta verður til þess að ef maður verður sjálfur veikur hefur maður það ekki í sér að taka upp tólið og hringja sig inn veikan. Frekar fer maður hundveikur með bullandi hita og heldur út daginn.
Við erum ekki búin að komast að samkomulagi hver verður heima á fimmtudaginn...ég væri alveg til í það, gott að fá tíma til að útrétta en ég fæ kvíðahnút við tilhugsunina að þurfa að segja að maður þurfi frí.
Er ekki einhver sem langar svakalega mikið að fá skemmtilega 4ra ára hlæjandi stelpukrútt í heimsókn?

2007-04-10T02:21:00.000-07:00

Mikið er það nú gott að vera komin aftur í vinnuna þó að það hafi verið pínu erfitt að drulla sér á fætur. En það virðist sem eitthvað hafi gerst hérna á skrifstofunni yfir páskana því nýju fínu hátalarnir mínir virka bara ekki og vinnusíminn minn er dáinn. Kannski skúringarkonan hafi haldið brjálað partý og sprengt hátalarana...

Áskriftin mín á barnalandi var að renna út og ég varla nenni né tími að endurnýja hana.....en mig langaði til að setja inn myndir frá páskunum og setti þær því bara inn hérna í myndaalbúmið mitt til hægri.

Súkkulaðihænan komin heim

2007-04-09T01:25:00.000-07:00

Hæ hó og gleðilega páska (gleymdi því í gær)!
Í gær kom stóra prinsessan heim frá útlöndum. Hún var búin að vera í 9 daga í Noregi í góðu yfirlæti föðurfjölskyldu sinnar. Hún leit vel út og sátt þegar hún kom út úr tollinum. Hún er búin að fljúga svo oft ein á milli landa að hún kippir sér ekkert upp við það. Ég man að þegar ég fór með hana fyrst og fylgdi henni út í vél. Hún var alveg óhrædd en ég keyrði heim með tárin í augunum og slakaði ekki á fyrr en ég fékk sms frá pabba hennar að hún væri lent. Núna er ég mikið rólegri yfir þessu því hún er svo dugleg og veraldarvön þessi elska mín.

En við það að fara út á völl gerði mig bara enn sjúkari í að fara til Köben.....það er fyrirhuguð ferð hjá okkur í ágúst en ég sver það, ég á mjög erfitt með að bíða þangað til...mig dreymir að ég sé að versla í mollunum og er að keppast við tímann að ná í fara í H&M áður en lokar til að kaupa á mig föt. Mikill sviti og drama. Þetta er næstum martröð því viljinn er svo mikill að kaupa kaupa kaupa...

Ekki eitt gramm af páskaeggi hefur farið inn fyrir mínar varir um páskana eeeeen ég er búin að liggja upp í rúmi að klára að lesa Arnald og þá slæddist smá djúpur með í poka.....er samt ekki með mikinn móral...

Betra er blátt en ekkert!!

2007-04-08T03:16:00.000-07:00

Þetta er málshátturinn sem hann Logi Veigar fékk í morgun!! Hmm, frekar magnað miðað við það sem miðillinn sagði um hann!! Blátt blátt blátt! Ég fékk nú bara gæsahúð þegar ég las hann.

En hér koma nokkrar myndir frá helginni...

Áður en lagt var að stað, allir hreinir og glaðir eftir baðferð

Komin á Laugarvatn að kíkja á leiðið með Guðrúnu Perlu frænku hjá ömmu eldgömlu og langafa

Komin á Hellu til ömmu og afa, dugleg að passa hana Tinnu og svo ein þreytt í lokin með playmo í bólinu...

Langi dagurinn...

2007-04-06T09:37:00.000-07:00

Páskafríið mætt á svæðið og ofátið byrjað.
Er núna komin í foreldrahús með næstum alla fjölskylduna mína (BL í Noregi). Fórum á Laugarvatn í gær í árlegt skírdagsdjamm. Ég var þó bara glataður djammari því ég var komin undir sæng fyrir miðnætti með Arnald í annari. Vaknaði svo með hundþunnan mann við hliðina á mér 12 og 1/2 tímum seinna. Vá hvað það var gott að sofa svona vel og lengi. Vorum svo að koma á Hellu núna að sækja börnin. En ég get ekki ákveðið hvort ég eigi að vera áfram á Hótel mömmu og horfa á úrslit X-factorsins eða bruna heim í kvöld, held samt að þunni maðurinn nenni ekki heim...

Áfram Jógvan!!

Framtíðin

2007-04-04T01:39:00.000-07:00

Í gær fór ég á fund miðils. Ég fór síðast til hennar fyrir um 2 árum og þá sá hún margt í framtíðinni sem hefur ræst, t.d sveitabrúðkaupið mitt og litla fallega drenginn minn sem ég eignaðist og fleiri hluti sem ég ætla ekki að telja upp.
Í gær talaði hún tvenn atriði sem hún sagði líka síðast. Það var að ég yrði komin í stærra húsnæði eftir 2-5 ár og það yrði örugglega rað- eða einbýlishús (nefndi meira að segja staðsetninguna)og svo sá hún aftur mikið blátt í kringum hann Loga minn og útskýrði hvað það þýddi. Hún talaði um námið sem mér langar mikið í og nefni það með nafni. Hún lýsti mö og pa, tengdó, Eyjó og börnunum mínum alveg fáranlegt vel, bæði karakter og útliti. En eitt það magnaðasta var að hún sagði mér hlut um hana Magdalenu sem að ég vissi alveg. Hún sagði hana mjög næma og það væri kona sem heitir Guðbjörg mikið í kringum hana og lýsti henni útlitslega líka. Ég veit hvaða konu hún er að tala um, þetta er langamma hans Eyjólfs sem var ótrúlega kröftug kona, átti 19 börn.
Hún sagði að ég myndi flytja til Danmerkur aftur eftir námið og að ég ætti góða vini þarna úti. Hún vissi ekkert að ég hef búið þar og ég fór bara að hlæja því hún sagði þetta eins og það kæmi ekkert annað land til greina. Hún spurði mig hvort ég væri næm líka en ég sagðist ekki geta tekið undir það, þá sagði hún ákveðin: JÚ, VÍST! þig dreymir framtíðina og þú þarft að læra að muna draumana þína betur og hendurnar þínar eru ofsalega næmar og gefa mikla orku frá sér. Mér fannst þetta líka skondið því ég hef heyrt þetta áður þegar ég hitti enskan miðil úti í London fyrir um 2 árum.
Ég fór samt skeptísk til hennar og ákvað að ég ætlaði bara að hafa gaman af þessu en hún sagði svo nákvæma hluti og lýsti mér og fólkinu mínu svo vel að ég bara get ekki annað en tekið eitthvað mark á henni.
Ég á eftir að fara aftur til hennar, ekki spurning...

Extraordinary Breastfeeding

2007-04-03T08:54:00.001-07:00

Veit eiginlega ekki hvað mér á að finnast um þetta??

Hjálp!

2007-04-03T02:59:00.000-07:00

Hann sonur okkar er að gera út af við okkur! Hann vaknar alltaf svo hryllilega snemma ALLA DAGA!! Það er ekki séns að halda honum lengur í rúminu en til kl 6 á morgnanna.

Við erum búin að prófa allt sem okkur dettur í hug. Hann fer pakksaddur í rúmið, búin að stytta svefninn á daginn, búin að láta hann fara að sofa seinna á kvöldin og í bað rétt fyrir háttatímann en samt vaknar hann alltaf um 6 á morgnanna og hleypur fram í eldhús og rífur upp ísskápinn sársvangur. Ég er að hrynja niður úr þreytu vegna svefnleysis...

Dettur einhverjum eitthvað í hug sem hægt er að prófa??

P.s Á einhver bókina Dauðarósir eftir Arnald og vill lána mér í 2 vikur??? Bráðvantar hana strax í dag. Ég á hana en finn hana ekki og tími ekki að kaupa annað stk...plís einhver???

Mánudagsmorgunn...

2007-04-02T03:43:00.000-07:00

...og ég er að drepast út þreytu. Þetta var nokkuð strembin helgi. Jarðaför, klipping og litun, heilmikill bakstur, ferming og hjálp við hana, 3 tíma ferð í gærkveldi á læknavaktina með litlu Magdalenu. Hún er með viðbjóðsega sýkingu í hálsinum og ég neyddist til að láta hana á sýklalyf. Það er svo langt síðan við höfum verið með svoleiðis sull á heimilinu að hún vissi ekkert hvað þetta var og drakk það eins og hún hefði ekki gert annað. Hún er voða dugleg þessu litla elska og læknirinn hrósaði henni mikið fyrir að vera óhrædd og leyfði henni taka stroku úr hálsinum án þess að blikna. Verkefni vikunnar verður hjúkrun litla ungans ásamt því að reyna að koma heimilinu í ásættanlegt ástand.

Kannski páskafrí sé bara orðið nokkuð girnilegt núna...

Það er sunnudagsmorgunn...

2007-04-01T04:13:00.000-07:00

...og ég er að fara í fermingu. Oftast finnst mér ekkert sérlega gaman að mæta í slíkar samkomur en ég bara hlakka til í dag, enda verða án efa skemmtilegir gestir og mikið fjör.
Eyjó fór með ME í kirkjuna og ég er heima að gera mig klára með Antony and the Johnsons í græjunum, LV úti í vagni. Elska þegar ég fæ svona smá stund til að hluta á tónlistina mína, sem enginn annar nennir að hlusta á með mér...

Það eru svo margir sem ég þekki komnir í páskafrí, kennarar, nemendur eða aðrir starfsmenn skóla. Ég er samt ekkert abbó, því mér langar ekkert sérlega í páskafrí. Það er bara gaman í vinnunni og ég nenni varla að byrja eina hátíðina í viðbót með tilheyrandi móral og vanlíðan vegna ofáts. Ég held ég bara sleppi páskaegginu í ár.

Ég er sérstök!

2007-03-30T01:21:00.000-07:00

Jibbý, loksins hef ég fundið sérstöðu í sjálfri mér.
Ég var að hlusta á Ísland í býtið í morgun og það var verið að tala um hlut sem kallast samskynjun. Fólk sem er með samskynjun er með heila sem er svolítið öðruvísi en í venjulegu fólki því það sér eða finnur bragð þegar það sér stafi, orð, myndir eða verður fyrir áreiti að ýmiskonar tagi. Það sem gerist í líkamanum er að það verða einhver boð á milli skynfæranna sem eiga ekki að eiga sér stað. Sko, ég hef alveg frá því ég man eftir mér séð stafi í litum. Það er víst algengasta afbrigðið af samskynjun. Ég sé t.d alltaf stafinn F gulan, M brúnan og B bleikan. 7 er líka gult og 3 er rautt. Einnig er H blátt og R rautt og svo mætti lengi telja. Nafnið Magdalena er því mjög brúnt og Bergdís bleikt. Það eru ekki til tölur yfir það hversu algengt þetta er en það er talið að það sé alveg frá 1/400 upp í 1/100.000. Vá, hvað er gaman að vera svona spes með svona flókinn heila :D haha!

Eiginkonur - sýnið eiginmönnum ykkar djúpa virðingu!

2007-03-29T02:25:00.000-07:00

Í gær komu inn á skrifstofuna til mín innilega notalegt par, þau voru á aldrinum 70-75 ára. Ég hélt að þau væri viðskiptavinir og tók vel á móti þeim með breiðu brosi og bauð þeim góðan dag. En ég sá eftir því strax því þau sögðust vera Vottar Jehóva og væru að bera út boðskap Guðs í þessi yndislegu fyrirtæki hérna í Austurstrætinu. Svo spurði konan mig hvort þetta væri listaskóli því það væri svo fallegar myndir á veggjunum, ég sagði henni að þetta væri lögmannsstofa og myndirnar væru eftir Tryggva Ólafs (sem eru by the way mjög flottar), hún vissi þá ekki neitt um þessu "yndislegu" fyrirtæki. Ef hún vissi að stofan okkar væri með klámráðstefnumálið hefði hún nú örugglega ekki kallað mig yndislega manneskju og lofað mér eilífu lífi ef ég gengi í flokkinn þeirra.

Eftir að þau fóru gluggaði ég aðeins í bæklinginn þeirra og rakst á athyglisverða grein. Hún heitir Eiginkonur - sýnið eiginmönnum ykkar djúpa virðingu. Svo voru nokkrar góðar setningar sem ég ætla að láta fylgja: Við hjónavígslur í mörgum löndum strengir brúðurin þess heit að sýna eiginmanni sínum djúpa virðingu (ekki hann líka?????), Þótt margar konur nú á dögum séu lítið hrifnar af því að vera undirgefnar getur skynsöm kona séð kosti þess. Ef eiginmaður er t.d ekki í trúnni gæti eiginkonan "frelsað mann sinn" ef hún fylgir forystu hans í öllu.
Hvað er að fólki, það er sko ótrúlegt hvað er hægt að heilaþvo fólk!

Það var samt pínu skondið að þegar vinnudagurinn var á enda þá labba ég af stað heim og mæti Tryggva Ólafs í Austurstrætinu.

DK

2007-03-25T03:41:00.000-07:00

Mikið var nú gaman á föstudaginn. Það er svo gaman að halda partý, maður á að vera duglegri við það. Ég var að setja inn nokkrar myndir, hægt að kíkja HÉR!!

Reyndar tókum við líka video en ég geri engum það að setja það á netið, hahahha, allra síst sjálfri mér :D

Þökkum Guði fyrir Gsm-síma og karlmenn!!

2007-03-23T02:26:00.000-07:00

Í gær eftir námskeiðið lenti ég í glötuðum vandræðum. Var að keyra heim og ég veit ekki hvað gerist nema ég annað hvort keyri á stein eða þá framdekkið hvellspringur með miklu hávaða. Veðrið var bilað, ógeðslega mikið rok og hrikaleg rigning. Ég var klædd í gallabuxur og þunna stutterma skyrtu í þunnum jakka, ekki með trefil eða neitt um hálsinn. Shit, ég var svo ósjálfbjarga að það er ekki fyndið, ég gæti nú skipt um dekk á góðum degi en ekki í þessu veðri, hefði bara fokið út í buskann. Það eina sem mér datt í hug var að hringja í Eyjó, draga hann úr hlýjunni heima og út í brjálaða veðrið til að skipta um dekk fyrir mig. Það var voða gott að sitja bara inni í bíl meðan hann bisaði við að redda þessu, þessi elska. Hann var svo blautur þegar við komum heim að það var hægt að vinda nærbrækurnar hans (án gríns!!)

Ég vona að álögin á mér að eitthvað gerist fyrir bílinn meðan hann er erlendis sé nú leyst því hann er að fara í næstu viku út. Kannski hafa örlögin bara ruglast um viku og ég fæ að kenna á því seinna. Eða þá að ég og allir krakkarnir verðum hundveik, bíðum bara og sjáum hver það verður, eitthvað verður það.

Ég er ekki að nenna að blogga þegar ég fæ nánast ekkert feedback í commentunum. Voða eru allir þöglir eitthvað.

Fimmtudagur

2007-03-22T02:31:00.000-07:00

Mikið er ég orðin þreytt á þessum blessaða snjó, hann rústar leðrinu á skónum mínum og göturnar verða svo hálar og ég er alltaf að fljúga á hausinn. Er með marbletti á báðum framhandleggjunum, svaka smart. Langar svo að fá vorið. Ég veit það fyrir víst að svona mikill snjór hefur ekki verið á þessum árstíma í mörg ár, því það hefur alltaf verið kominn vorhugur í mann þegar ég hef haldið upp á afmælið mitt.

Ég var að eignast diskinn með honum James Morrison og hann er ekkert smá góður, hef bara ekki fattað það fyrr. Það er eitt lag á disknum sem heitir eitthvað The pieces don´t fit any more og það er bara svo flott að ég fæ bara geðveika gæsahúð.

Helgin nálgast og það sem fyrir liggur er:

-lunch með Binnu í dag
-námskeið í kvöld
-partý á morgun
-heimsókn til mö og pa á laugardaginn
-grasekkjutíð byrjar á sunnudag, Eyjólfur fer út einu sinni enn...

Annars bara hress.

Elsku pabbi 50 ára í dag

2007-03-21T02:04:00.000-07:00

Já, það eru 50 ár síðan hann elskulegur faðir minn fæddist. Þar sem að ég veit að hann les bloggið mitt og hann er ekki hrifinn af því að láta taka af sér myndir og mig langar til að stríða honum aðeins þá ætla ég að setja inn nokkrar myndir af honum. Bæði gamlar og nýjar.

Elsku pabbi minn, innilega til hamingju með daginn!

Pabbi hress með okkur systrunum á gamlárskvöld

Svo eru það jólin, pabbi örugglega 25 ára og ég 2ja ára.Voða fín dúkka sem ég fékk í jólagjöf :D

Stoltur 2ja barna faðir með geggjuðu mottuna, Auður Erla 6 ára og ég nýbökuð, Ari kom 5 árum seinna

Í fyrra fékk hann svo stóra afmælisgjöf því Auður systir gaf honum afastrák á afmælisdaginn. Hann er því 1 árs í dag, hann litli sæti Ari Rafn sem býr allt of langt í burtu í Danmörkinni.

Innilega til hamingju með daginn sætastur!

Þá er maður orðinn 27 ára

2007-03-19T05:22:00.000-07:00

Hæ hó
Komin ný vika og lífið heldur áfram. Helgin var mjög fín. Byrjaði á konukvöldi með henni Binnu minni á Sólon. Ég er nú ekki mjög stolt að segja frá því að þetta var FM957 partý en þetta var nú samt fínt, frítt að drekka og borða. Við skemmtum okkur vel :D

Daginn eftir þurfti ég að vakna kl 7 og var dagurinn því frekar stembinn með 3 börn og takmarkaða heilsu.

Afmælisdagurinn í gær var notalegur, hann byrjaði á því að mér voru færðar gjafir í rúmið...frá manninum fékk ég gönguskó sem ég er búin að vera að suða um lengi lengi (ég ætla nefnilega að vera svo dugleg í göngunum í sumar sjáið til) og frá börnunum fékk ég rosa flotta verkjaraklukku, sem er reyndar líka eitthvað sem ég var búin að tala um. Síðast þegar ég fékk nýja verkjaraklukku var ég ca. 10 ára.

Í sambandi við sölumanninn sem Eyjó keypti skóna hjá þá var það stjúppabbi vinkonu Bergdísar, ég hef aldrei séð hann en veit samt hver hann er og hef talað við hann nokkrum sinnum í síma....mér datt líka í hug að hann væri að rugla í mér....en ég er mjög sátt :D

Deginum var annars eytt í þrif á heimininu ásamt afmæliskökubakstri eiginmannsins og svo fórum við famelían út að borða á Pizzu Hut og við hjónin fórum svo í bíó, kíktum á myndina Music and Lyrics, var fín fannst mér en Eyjó var nú ekki sammála.

Rabbaten

2007-03-16T07:26:00.000-07:00

Ég horfi oft á Danska sjónvarpið i hádeginu. Í dag var danskur þáttur þar sem þáttastjórnandinn var að finna sem allra ódýrustu leiðir í innkaupum. Hann benti á að það skiptir ekki máli hvernig reykskynjara maður kaupir, þeir virka allir eins, hvort það borgi sig að kaupa notað hjól og þannig. Þetta eru fínir þættir en mér finnst danska nískan skína svo í gegn. Þáttastjórnandinn talar svo hratt, er svo æstur að slefið frussast út um allt og hann er mjög spenntur yfir því að græða græða græða peninga. Held hann sjái varla út fyrir dollaramerkjunum í augunum.

Í kvöld er ég að fara á mitt fyrsta konukvöld, loksins orðin kona. Ég ætla að fara með opinn huga, það verður víst frítt vín, matur og skemmtilegar sýningar. Það verður örugglega gaman.

Eigið annars góða helgi.

Hann er að gera mig brjálaða!!

2007-03-15T01:37:00.000-07:00

Eftir vinnu í gær þurfti Eyjó að fara í smá leiðangur. Ég vissi alveg hvað það þýddi þar sem það styttist í afmælið mitt. Hann tekur BL með sér og þau koma heim undir kvöldmat með glott á andlitinu. Svo fer forvitna Lilja að fiska kallinn aðeins, já ég er ógeðslega forvitin þegar kemur að gjöfum, skal alveg viðurkenna það. Það eina sem hann segir er að ég veit hver það er sem seldi honum gjöfina. Hvort það sé kona eða maður eða hvort ég þekki hana vel eða veit bara hver er fæ ég ekki að vita. Ég er að drepast úr forvitni!!! Samt grunar mig einn hlut en þekki engan sem vinnur í útivistarbúð...

Puhuhuhu...

2007-03-12T05:25:00.000-07:00

Ohhhh, ég er búin að vera að horfa á DR1 og DR2 hérna í vinnunnu síðustu daga aðeins í hádegismatnum. Þegar ég sé svipmyndir frá Kaupmannahöfn fyllist ég af söknuði og löngun til að fara út. Núna er akkúrat ár síðan ég fór síðast og alveg kominn tími til að kíkja. Fékk ferð í afmælisgjöf í fyrra en ég trúi því nú ekki að ég verði svo heppin aftur. Shit, ég er að deyja, ég sakna svo lífsins þarna úti, einfaldleikans, sakna þess að eiga nægan tíma fyrir börnin mín, ég hreyfði mig mikið meira, hjólaði svo mikið og gekk, að sjálfsögðu er allt mikið ódýrara þarna en heima og stemningin svo góð. Sakna þess að labba með Magdalenu í vagninum í AmagerCenter, splæsa einum ís á Bergdísi og rölta á leikvöll í nágrenninu í sólinni. Sakna HM fáranlega mikið og ódýra ölsins. Ég man líka alveg eftir leiðinlegu dönunum sem hrópuðu á mann ef maður vogaði sér að hjóla á vitlausum vegahelming og gömlu bitru kellingunum sem skiptu sér að klæðaburði barnanna. Eftir söknuðum og lönguninni að flytja til Íslands. Samt sakna ég Danmerkur rosalega núna. Ég verð bara að hlusta á danska diskinn minn, horfa á DR1 og 2 og biða eftir tilboði hjá IE...

Robbie, Mark, Howard, Jason og Gary

2007-03-12T00:54:00.000-07:00

Draumur okkar vinkvennana úr sveitinni hefur loksins ræst. Take that eru búin að taka saman aftur eftir 10 sorgmædd ár. Við Binna á ákváðum á laugardaginn að skella okkur á tónleika með þeim og fyrst við komumst ekki á tónleikana í Danmörku (því það er löööngu uppselt!!) þá verður við bara að fara til London í lok júní. Þeir eru svoooo sætir hehe, og ekki verri í dag, bara þroskaðri og betri. Verst að Robbie er ekki með þeim núna, hann er að sjálfsögðu flottastur en við getum alveg horft á Mark Owen líka eins og gamla daga. Blár er greinilega ennþá uppáhaldsliturinn hans.

Debet/Kredit

2007-03-09T00:07:00.000-08:00

Upprifjun á fjárhagsbókhaldi, Vsk. uppgjör og leiðréttingarskýrslur, laun, launamiðar, launaframtal og skil til skatts, afstemmingar og skil á bókhaldi til endurskoðenda og lestur ársreikninga. Þetta eru helstu viðfangsefni námskeiðisins sem ég byrjaði á í gær. Hljómar ekki vel, ég veit en þetta er alveg fáranlega spennandi og mér finnst þetta mjög skemmtilegt. Hlakka til að fara aftur á þriðjudaginn.
Ég get nú stundum verið soldið dellukona, fæ einhverja flugu í hausinn og verð að framfylgja henni eins og ég get. Núna er það þetta viðfangsefni...mig langar nefnilega núna að stúdera heimasíðu ríkiskattstjórans rsk.is....hljómar mjög skemmtilega :D hahha!

Mikið er það nú gott að það sé komin helgi, þessi vika hefur verið strembin. Reyndar er kallinn að vinna á morgun en þá er best að nýta tækifærið og fara að líta í kringum sig og finna kannski afmælisgjöf handa bóndanum. Hann sem á stórafmæli í næsta mánuði.

Gelgja.is

2007-03-08T02:39:00.000-08:00

Gelgjur eru svo fyndnar og líka svo glataðar. Afsakið mig en ég bara á stundum erfitt með mig. Ég var í Bónus um daginn, kominn á kassann, mikið að gera. Ný stelpa að afgreiða og hún passaði sig sko á því að allir viðskipavinir Bónuss þann daginn vissu hvað HÚN ætti nú bágt. Andvarp, dæs og svo strauk hún sér á vangann og sagði reglulega "ÉG ER SVO ÞREYTT". Ég vorkenndi henni svoooo mikið að þurfa að vinna aðeins.
Svo fór ég í Kringluna, þurfti að fara í eina flottustu búðina þar. ÍSLENSK gelgja að vinna. Ég var að fara með veski sem ég fékk í jólagjöf, böndin eru að slitna af og vildi ég fá það lagað. OK, segir hún. Ég skal tak'ana og láta eigendurna kíkj á'ana. Byrjar svo að skrifa niður nafnið mitt....L-I-L....hhhhmm er J í nafninu LILJA????

Annars er ég bara hress. Er að byrja á framhaldsnámskeið í bókhaldi í Tölvuskólanum Þekking í kvöld. Hef aldrei verið í þeim skóla og vona að það sé eitthvað varið í hann. Þetta er mánaðarnámskeið, kennt 2svar í viku. Það verður gott að reyna á heilann aðeins.

Svo eru allir svo latir að kommenta hérna upp á síðkastið, hvað er í gangi?

MySpace vandræði

2007-03-06T12:58:00.000-08:00

Ég er búin að gefa eftir og búa til MySpace síðu fyrir mig. En það ætlar ekki að vera auðvelt.

Getur einhver sagt mér hvernig ég breyti heildarlúkkinu á síðunni og hvernig ég eignast einhverja vini þarna inni? Binna, það er eins gott að þú hjálpir mér.

Ástarþríhyrningur

2007-03-06T05:08:00.000-08:00

Hver sá LOST í gær? ÉG!!

Ég er ekki svo tæknivædd að eiga seríuna í tölvunni svo ég horfi bara á þetta á RÚV. Þátturinn í gær var æði fannst mér. Loksins náðu þau saman Kate og Saywer. Hann sem er svo stíf týpa sem getur ekki tjáð sínar tilfinningar, hún svo hörð af sér og virðist vera sterk en er bara lítil stelpa sem vill láta hann bara halda utan um sig. Samt held ég að hún elski þá báða. Þeir eru líka gorgeus báðir. Jack er náttla bara æði og ég myndi velja hann ef ég væri hún. Hann á líka meiri peninga ef þau komast til baka einn daginn. En ástin spyr víst ekki að því.

Urrrrrr

2007-03-05T03:05:00.000-08:00

Hvað er eiginlega að? M var veik síðustu helgi og næstum alla vikuna, LV tók góða pest núna um helgina og Eyjó lá með honum í flensu...núna er ég mætt í vinnuna með dúndrandi hausverk, vibba í hálsinum og kvef!! Arg, mér finnst ég ekki eiga þetta skilið eftir hundleiðinlega veikindahelgi!!Hápunktur annars miður skemmtilegrar helgar var þegar við hjónin rifum okkur upp á rassgatinu í gær og fórum í bíó. Skelltum okkur á myndina The last king of Scotland. Hún er alveg í sama flokki og Babel. Hrikalega góð og situr í manni, ég er búin að hugsa um hana mikið síðan í gær. Maður verður svo brjálaður þegar maður sér hvað ein klikkuð manneskja getur skapað mikla hörmung. Ég reyni að setja mig í spor þessa fólks, sjá fólk drepið úti á götum á bara venjulegum mánudegi. Vera gift manni ásamt 2 öðrum konum, svik og sorg daglegt brauð. Forest Whitaker er ekkert smá góður í henni og líka ungi læknirinn, leist ekkert á hann í byrjun en Vá, hann er góður leikari. Verðið að sjá'ana.

Er að hugsa að fara í göngutúr í hádegissólinni og gá hvort trixið virki aftur eins í síðustu viku.

P.s Mikið er hún Andrea Gylfa flott eftir tannlagfæringuna. Mér hefur alltaf fundist frekjuskörð sjarmerandi en hún þurfti á þessu að halda greyið.

Dútl

2007-03-03T13:51:00.000-08:00

Laugardagskvöld og mér leiðist.....var að dunda við að setja inn myndir í eldgamla myndaalbúmið mitt....setti bara inn djamm og partýmyndir því allar þessar venjulegu af fjölskyldunni fara á barnaland.is. Getið kíkt HÉR
Veit ekki hvort ég mun nenni að setja inn reglulega, kemur í ljós.

Binnan mín

2007-03-02T01:54:00.000-08:00

Tinna tók þessa mynd fyrir tæpum 2 vikum síðan, það var bara svo gaman þetta kvöld að ég næ því einfaldlega ekki. Ekki veit ég alveg hvað við Binna vorum að ræða þarna en þessi drykkur var heldur sterkur og vorum við líka úberhressar á dansgólfinu á Hressó seinna um kvöldið. Binna er bestasta vinkona sem hægt er að eiga, traustust í heimi og klikkar aldrei. Hún er svo sterk persóna, búin að ganga í gegnum mikil erfiði síðasta árið og alltaf stendur hún upp falleg og skínandi af lífskrafti.

Lilja á viðkvæmu nótunum í dag.

:D

2007-03-01T04:16:00.000-08:00

Vinnutörn lokið í vinnunni, heilsan orðin góð. Er ótrúlega hress eftir góða gönguferð í hádegissólinni.

Tuskudrusla

2007-02-28T07:05:00.000-08:00

Lesendur bloggsins eru greinilega ekki miklir viskubrunnar þegar kemur að ráðleggingum varðandi heilsuna, af þeim tæplega 100 sem kíktu á síðuna síðasta sólarhringinn var það bara ein sem hafði eitthvað að segja. Sem betur fer kom það ekki til þess að drekka þennan viðbjóð sem hún sjálf (Sigga Lísa) hefur þurft að þola. Ég er bara algjör drusla í dag, voða tuskuleg sem er pínu erfitt þegar það er bilað mikið að gera. ME er búin að vera veik síðan um helgina og greyið Eyjólfur bara hafðu heima hjá henni. Framakonan Lilja fær forgang á vinnuna núna.

OOOooooohhhhhh.......

2007-02-27T06:59:00.000-08:00

Hvað á maður aftur að gera þegar maður er kominn með beinverki, höfuðverk og illt í maganum, var það ekki að borða sólhatt eða eitthvað þannig.......?? Plís vantar töfralausn, má ekki vera veik núna.......

Akureyri

2007-02-25T10:26:00.000-08:00

Við erum komin heim, helgin í heild sinni mjög ánæguleg þrátt fyrir ýmis skakkaföll. En það gerir ferðina bara eftirminnilegri. Hér koma nokkrar myndir, ég set mikið fleiri inn á barnalandssíðurnar. Núna eru allir þreyttir og komnir í bólin sín, ME búin að vera veik og við hjónin þreytt en sæl, þó að ég haldi að hann sé líka orðinn veikur.

Bergdís Líf stóð sig eins og hetja á mótinu, orðin ótrúlega sterkur leikmaður. Ég er mjög stolt af henni og ánægð að hafa farið alla þessa leið til að vera með henni á mótinu.

Öskudagur 2007

2007-02-22T13:31:00.000-08:00

Fatahönnuður, dalmatíuhvolpur og kisa (kisan komin í hlutverkið strax)

2007-02-22T01:45:00.000-08:00

Mér finnst ég aldrei hafa neitt að segja, ég nenni ekki að tjá mig um eurovision (þó svo að Eikríkur hafi nú verið ágætur) og ég hef aldrei tíma til að horfa á fréttir og ég hef ekki útvarp í vinnunni né bílnum svo ég er ekki mikið inni í samfélaginu. Verð að reyna að fullorðnast og horfa þó alla vega á 10 fréttir þegar ormarnir eru sofnaðir....ja, svo ég hef ég alltaf netið líka.

Annars ætlum við fjölskyldan að skella okkur norður um helgina og fylgjast með frumburðinum spila fótbolta. Það verður gott og gaman að ganga í miðbæ Akureyrar, næsti bær við útlönd.

Stelpur

2007-02-21T12:03:00.000-08:00

Heiðbjört, Binna, Silla, Arnhildur, Tinna, Íris, Hjördís, Elísabet....er örugglega ekki að gleyma neinni....hver var að taka myndir á laugardaginn??? Nennir einhver að senda mér á liljaloga@gmail.com?

MMMmmmmmm......

2007-02-20T10:15:00.000-08:00

Það gat ekki verið að hann færi ekki af klakanum án þess að negla eina íslenska, skil hana Höllu vel!!

20. febrúar 2007

2007-02-20T06:31:00.000-08:00

Mikið var nú gaman á laugardaginn, mikið var hlegið, dansað, sungið og drukkið!! Hef ekki skemmt mér svona vel leeeeeeeengi! Elska þegar það er svona gaman að fara út.

Sunnudagurinn var líka alveg jafn hræðilegur og dagurinn á undan var frábær....en vel þess virði. Ég er nú samt sannfærð um að ég var veik á sunnudaginn en ekki þunn því ég er ennþá með ónot í maganum. Búin að sitja á tölvunámskeiði í 2 daga inni í sjóðandi heitri skólastofu, alveg að sofna með æluna í kokinu. Nei, ekki ólétt bara með pest sem börnin mín smituðu mig af.

:D

2007-02-17T02:19:00.000-08:00

Að vakna í morgun var alveg furðulegt, enginn í íbúðinni nema ég. Samt gat ég ekki sofið þangað til ég vaknaði sjálf því Eyjó sendi mér sms kl 10, en það allt í lagi því ég ætla njóta þess að vera ein í dag og gera bara það sem ég vil! Pabbi gisti hjá mér en hann hefur grenilega læðst hljóðlega út til að fara á námskeiðið sitt því ekki var ég vör við hann.

Kvöldið verður tekið með trompi í Hellustelpuhárkollueurovisionkokteilapartýi!! Jibbý, það verður gaman!!

Síðasti sólarhringurinn...

2007-02-16T00:49:00.000-08:00

Guð minn góður, held stundum að einhver þarna upp sé að láta reyna verulega á móðurhæfileika, útsjónarsemi og þolinmæði mína þegar aðal hjálpari heimilisins bregður sér út af heimilinu.

Logi gubbaði aðeins 1 sinni um morguninn, var hress svo ég dreyf mig með hann og BL í Smáralindina, þurftiað kaupa eitt og annað. Allt í góðu og BL varð eftir, LV fékk mjólk að drekka og við keyrðum af stað til að ná í ME. Eftir smá stund í bílnum kom mjólkin öll upp úr honum, yfir hann allan, skóna, vettlingana, nýja bolluvöndinn sem hann fékk og innkaupapokana. Ég ákvað að skilja hann eftir í bílnum á meðan ég hleyp inn á leikskóla eftir ME því það er ekki hægt að taka útælt barn með inn. Allt í góðu, hann sat glaður og sæll í sinni eigin ælu meðan ég hljóp inn. Á leiðinni heim ældi hann aftur, yfir öll fötin, skóna, bílstólinn, niðrá gólfmottuna og yfir nýja bolluvöndinn sem ME var að búa til í leikskólanum. Jæja, ekki þýðir að pæla í því, svo gerist. Klæddi LV úr ælufötunum, klíndi ælu í kápuna mína og ferjaði dótið inn, ME vældi því ég keypti ekki réttan lit á nýja bolluvendinum og LV var skelkaður á þessum látum öllum. Kom börnunum og næstum öllu dótinu upp í íbúð og varð að skilja þau eftir til að ná í rest, varð að loka hurðinni svo LV fari ekki fram á gang og rúlli niður stigaganginn. Tók úr lás og hljóp og náði í draslið, kom upp og átta mig á því að ég er læst úti, lykla- og símalaus og börnin ein inni!!!! Ég fékk panikkast!!! Reyndi að brjóta upp hurðina í hræðslukasti. ME var farin að væla og reyna að opna en ekkert gekk. Ég settist í stigann og róaði mig niður. Aha, ég skildi eftir opna glugga áðan til að losa við gubbulyktina! Náði eftir smá tiltal að fá hana til að leita að lyklunum og henda lyklunum út um gluggann. Shit hvað var gott að komast inn í íbúðina og ME var titluð hetja dagsins.

Dagmamman sendir mér sms um að ég geti komið með LV í dag til hennar, frábært, þá get ég farið að vinna. Vaknaði náttla kl 5 í morgun eins og vanalega með drenginn og geri mig klára, þurfti að taka með tjalddýnu, svefnpoka og jakka og poka með fyrir Ara bróðir sem hann ætlaði að sækja til mín niðrí vinnu. Ok, allt gengur vel og við komið út í bíl kl 07.28 (sem er hárréttur tími ef ég á ekki að mæta of seint), draslið borið út í bíl í mígandi rigningu, börnin óluð niður og lykill settur í svissinn....&(/&/%%%)(//)/ helv()/=#$#%$(/.......hann fer ekki í gang!!!! Ég verð að segja eins og er, ég fékk brjálaðistkast!!! Þetta var dropinn sem fyllti mælinn. Því ég er svo nýbyrjuð í vinnu sem ég vil standa mig vel í og mæta vel og stundvíslega....það er rosalega mikilvægt fyrir mér. Ohhh, ok, ég þurfti að fara og fá start hjá grönnunum, sækja bílinn þeirra úr bílskúrnum, vesen vesen og ME var kalt og kjökrandi í bílnum. Eftir bilað ströggl í hellidembu við að tengja og opna húddið á bílnum okkar sem er eitthvað bilað þá náði ég að koma helv%&$#( bílnum í gang. Henti börnunum á sinn stað og brunaði á methraða í vinnuna. Rigningin hætti ekki svo ég varð að hlaupa yfir Arnarhól í hellidembu, með svefnpoka, dýnu, jakka, poka og veskið mitt í fanginu. Kom 30 mín of seint :( ......þetta var erfiður sólarhringur. Eins gott að bíllinn fari í gang þegar ég er búin að vinna í dag.

heimídag

2007-02-15T00:33:00.000-08:00

Ég vaknaði í morgun eins og vanalega kl 5 með Logi litla, reyndi nú að halda honum rólegum og fékk hann til að taka smá kríu með mér, kl 06.55 hringir síminn og það var önnur dagmamman að segja mér að hún sé veik og geti ekki tekið hann í dag.....ohhh, var að byrja í nýju vinnunni í síðustu viku og Eyjó í Þýskalandi, verð sjálf að vera heima með hann. Ok, fínt hugsa ég og sé fyrir mér ferð í Smáralindina, útrétta hluti og ná að þrífa þvott.....stuttu seinna byrjaði Logi æla, þannig að það er bara þvotturinn í dag.....er sjálf eitthvað furðuleg í mallanum, vona að ég sleppi...

Cafe Paris er hér með....

2007-02-13T01:08:00.000-08:00

...kaffihús sem ég fer ekki inn á aftur. Eftir 2 heimsóknir með 4ra daga millibili gekk ég út ásamt vinkonum þegar okkur var gróflega misboðið. Aðra eins þjónustu hef ég ekki fengið á ævinni. Skil ekki alveg af hverju fólk flykkist þangað til að láta dónalega útlenska þjóna koma fram við sig eins og smákrakka. Synd því það er svo kósý og gott að sitja þarna inni.

Hjálp óskast!!!

2007-02-09T02:28:00.000-08:00

Ég er að bilast á honum syni mínum, hann er svo erfiður. Er farinn að bíta börnin hjá dagmömmunum, rífur og tætir allt heima, hendir símanum mínum og rakvélinni hans pabba síns í baðvaskinn, rennir frá krananum og hlær!! Hendir öllu steini léttara (og þ. á. m. mat) í okkur þegar við sitjum við matarborðið. Verst finnst mér þó að hann er þvílíkur morgunhani, hann er búinn að vakna kl 6 alla daga þessa vikuna nema í morgun, þá vaknaði hann 5:30!!! ...og það er ekki boðlegt fyrir hann að koma og kúra í mömmurúmi. Það skal farið á fætur og borðað. Hvað gerir maður við svona gaura? Ég kann ekki að eiga strák!!

Rómó

2007-02-08T05:47:00.000-08:00

Rómeó og Júlía?

Shit!

2007-02-08T02:23:00.000-08:00

Ég var að heyra það að 2 stelpur úr 9. bekk, önnur í Hólabrekkuskóla, hin í Fellaskóla hefðu barið jafn gamla stelpu úr Hólabrekkuskóla. Kýldu hana, klóruðu og helltu yfir hana kókómjólk um hábjartan dag í gær!! Hvað er í gangi...fjandinn, Bergdís mín er við það að fara í unglingadeildina í Hólabrekkuskóla. ARG, er brjáluð. Þær munu víst frá á sig líkamsáráskæru og hjá annari þeirra er þetta 3ja kæran!!! Hvað er í gangi!!!!!!!!!!